Қирғиз Республикаси бокс федерациясининг маълум қилишича, 3–13 декабрь кунларига режалаштирилган жаҳон чемпионати учун 13 нафар спортчи рўйхатдан ўтказилган бўлса-да, уларнинг атиги икки нафари – Омар Ливазе (63,5 кг) ва Алмаз Ўрозбеков (67 кг) ҳамда бош мураббий Данияр Тологон визага эга бўлган.
Қолган 10 нафар боксчига — Анваржон Ҳожиев, Мирлан Туркбай ўғли, Санжай Сейдакматов, Риспек Бектенов, Ихтиёр Нишонов, Сирғак Абдижапар ўғли, Омурбек Бекжигит ўғли, Эркин Адилбек ўғли, Бакит Токтосун ўғли ва Мирзакир Кошалиев — виза берилмаган.
Федерация бу каби ҳолат яна 46 та иштирокчи давлатда кузатилаётганини, бу эса мусобақанинг тўлақонли ўтишига шубҳа туғдираётганини таъкидлади.
