Венесуэла президенти Николас Мадуро АҚШ билан турли норасмий каналлар орқали олиб борилаётган музокараларда бир ярим йилдан сўнг президентлик лавозимини тарк этишга тайёрлиги ҳақида билдиргани маълум қилинди. Бу ҳақда Zamon.uz нашри маълум қилди.
Мадуро бу қарорни 18 ойдан олдин амалга ошириш ниятида эмас, аммо келгусида давлат бошқарувидан кетиш эҳтимолини инкор этмади.
Бундан аввал Wall Street Journal АҚШ президенти Дональд Трамп Мадурога агар у ихтиёрий равишда истеъфога чиқмаса, Вашингтон бошқа вариантларни, жумладан, куч ишлатишни ҳам кўриб чиқишини айтганини маълум қилган эди.
New York Times эса икки етакчининг шахсий учрашуви имкони муҳокама қилинганини ёзди. Трамп телефон суҳбатини тасдиқлаган, аммо унинг тафсилотларини ошкор қилмаган.
