Миллий статистика қўмитаси маълумотларига кўра, ўтган 10 ойда мамлакатга келган туристларнинг 5,27 миллиони эркаклар, 4,45 миллиони эса аёллардир.
Ёш категориялари бўйича энг катта улуш 31–55 ёшдагиларга тўғри келди — 4,88 миллион нафар. 19–30 ёшдагилар 1,59 миллион, 0–18 ёшдагилар 1,28 миллион, 56 ёш ва ундан катталар эса 1,97 миллион нафарни ташкил этди.
Туристлар оқимидаги сезиларли ўсиш мамлакатда туризм инфратузилмаси, авиақатновлар географияси ва визасиз режимлар кенгайишининг натижаси сифатида шарҳланмоқда.
