Исроил Мудофаа кучларининг маълум қилишича, зарбалар Ливан жанубидаги “Ҳизбуллоҳ”нинг ҳарбий объектларига қаратилган. Ҳарбий самолётлар Сур шаҳри атрофидаги икки аҳоли пунктига ҳаво ҳужуми уюштирган.
Ливан томони Берған Дейр-Кифа ва Шуҳур аҳоли пунктлари ҳужумға учраганини тасдиқлаган, аммо талафотлар ҳақида ҳали расмий маълумот берилмаган.
18 ноябрь куни кечқурун Исроил Ливандаги Сайда шаҳрида жойлашган Айн-ал-Ҳилве қочқинлар лагерини ҳам ҳаводан ўққа тутган — ҳужум натижасида 13 киши ҳалок бўлган.
Шунингдек, Исроил авиацияси Айната ва Тайр-Фелсай шаҳарларига ҳам зарбалар бергани ҳақида маълум қилинган.
Маълумотларга кўра, 2024 йил 27 ноябрда имзоланган ўт очишни тўхтатиш келишувига қарамай, Исроил уни 4,5 минг мартадан ортиқ бузган. Бундай ҳужумлар оқибатида юзлаб тинч фуқаролар ҳалок бўлган ва жароҳатланган.
Эслатиб ўтамиз, Исроилнинг Ливанга қарши амалиётлари 2023 йил октябридан бери давом этиб келмоқда ва 2024 йил сентябрида кенг кўламли урушга айланган. Қонли тўқнашувлар натижасида 4 мингдан ортиқ одам ҳалок бўлиб, 17 мингга яқин киши жароҳат олган.
Исроил ҳозиргача Ливан ҳудудида эгаллаб турган 5 та тепаликни ўз назоратида сақлаб турибди.
