Наманганда тўй кортежида иштирок этиб, хавфли манёврлар қилган 50 нафар ҳайдовчи аниқланди.
ИИВ маълумотига кўра, уларнинг айримлари дрифт ҳаракатлари қилган, йўлнинг қарама-қарши йўналишига чиққан ва транспорт ҳамда пиёдалар хавфсизлигига таҳдид солган.
Бу ҳолатларнинг кўпи видеога олиниб, ижтимоий тармоқларга жойланган.
Суд қарорига мувофиқ, 25 нафар ҳайдовчи бир йилга ҳайдовчилик ҳуқуқидан маҳрум қилинуви БҲМнинг 25 баравари миқдорида жаримага тортилди. Қолган 25 кишига эса БҲМнинг 5 баравари — 2 млн 60 минг сўм жарима тайинланган.
Маълумот ўрнида, Андижонда ҳам тўй кортежлари билан боғлиқ қўпол қоидабузарликлар учун ҳайдовчиларга нисбатан чора кўрилган эди.
