Лавровга кўра, Будапешт учрашув ўтказиш учун энг мақбул жой ҳисобланади. АҚШ президенти Трамп ҳам Венгрия Бош вазири Орбан билан учрашувда Будапештни афзал кўрган.
Россия томони АҚШнинг саммитни бекор қилгани ҳақидаги хабарларни рад этади. Бу қарор Россия томонидан юборилган Украина бўйича “нон-папер” меморандуми билан боғлиқ эмас.
Меморандумда Анкориждаги аввалги музокараларда эришилган ўзаро тушунишлар эслатилган ва провокацион мазмун йўқлиги таъкидланган.
Трамп телефон суҳбатида бу ҳужжатни провокация сифатида кўрмаган ва норозилик билдирмаган.
Кейинги босқичда ташқи сиёсат, мудофаа ва махсус хизмат вакиллари учрашуви режалаштирилган, аммо АҚШ томонидан давом эттирилмаган.
Қайд этилишича, 16 октябрдаги телефон суҳбатидан сўнг саммит ўтказиш таклифи берилган, аммо кейинчалик уни бекор қилиш эълон қилинган.
Россия томони ҳозирда учрашувга тайёр ва Будапешт энг қулай вариант сифатида қаралаётганини таъкидлади.
