Дональд Трамп BBC’нинг “Панорама” ҳужжатли фильмида унинг 2021 йил 6 январь кунги нутқи таҳрир қилиниб, нотўғри талқин қилинганини иддао қилди. У компаниядан фильмни эфирдан олиш, расмий кечирим сўраш ва 1 миллиард доллар миқдорида товон тўлашни талаб қилмоқда.
Трампнинг сўзларига кўра, фильмда нутқининг қисмлари кесилиб, уни тарафдорларни Конгрессни босиб олишга чақиргандек кўрсатган. Можаро ортидан BBC раҳбарияти узр сўради, айрим етакчи ходимлар истеъфога чиқди.
Трамп адвокатлари BBC 14 ноябргача талабларни бажармаса, Флорида штатида суд иши очилишини маълум қилган.
