Эрон Президенти Масъуд Пезешкиён ўз ойлигини миллий мактаб қурилиши кампаниясига хайрия қилиб, ваъдасини 48 соатдан камроқ вақт ичида бажарди.
Мактабларни таъмирлаш, ривожлантириш ва жиҳозлаш бўйича миллий ташкилот раҳбари Реза Хонмуҳаммадий СННТВ телеканалида Президентнинг хайрия қилгани ҳақида маълум қилди.
Хонмуҳаммадийнинг сўзларига кўра, 30 октябрь куни қурилиш саноати вакиллари ва донорлар билан учрашувда Масъуд Пезешкиён ойлигидан бир қисмини мактаб қурилишига сарфлашга ваъда берган. Маблағлар расмий депозит варақаси билан 1 ноябрь куни ўтказилган.
Президент 2024 йил июль ойида лавозимга киришган ва сиёсатга киришдан олдин юрак жарроҳи бўлиб ишлаган.
Жорий йил кузида Эрон бўйлаб “Мактаб қуринг” лойиҳаси ишга тушди. Лойиҳа фуқароларни мактабларни қуриш ва таъмирлашда молиявий ва бошқа хайриялар орқали иштирок этишга чорлайди.
