Нью-Йорк шаҳрида 4 ноябрь куни ўтадиган мери сайловларида 34 ёшли Зохран Мамдани ғолиб бўлиши мумкин. У мусулмон, демократик социалист ва ҳип-ҳоп мухлиси сифатида танилган.
Зохран Мамдани Угандада ҳинд оиласида туғилган. Онаси — машҳур кинорежиссор Мира Наир, отаси — олим Маҳмуд Мамдани. У ёшлик йиллари қулай шароитда ўтганини айтади, аммо бу ҳаёт Ню-Ёркдаги кўпчиликники каби бўлмаганини тан олади.
Мамдани АҚШдаги энг катта социалистик ташкилот — “Америка демократик социалистлари”аъзоси. У бойлар учун солиқларни оширишни, минимал иш ҳақини 30 долларгача кўтаришни ва болаларга бепул парвариш тизимини жорий этишни хоҳлайди. Сиёсатга киришдан олдин у камбағал оилаларга, уйсиз қолиш хавфи остидаги одамларга ёрдам берган. Шу сабабли унинг сайловолди дастурида асосий мавзу — арзон уй-жой масаласи.
Агар у ғалаба қозонса, Дональд Трамп билан келишмовчиликлар пайдо бўлиши мумкин. Трамп уни “коммунист ақлдан озган” деб атаган, Мамдани эса бунга жавобан: “Мен шаҳар манфаатлари учун ҳамкорлик қиламан, лекин босимга берилмайман”, деган.
