АҚШ Президенти Дональд Трамп ва Россия Президенти Владимир Путин Венгрия пойтахти Будапештда учрашишни режалаштирмоқда. Бу ҳақда Трамп 16 октябрь куни Путин билан телефон суҳбатидан сўнг ўзининг Truth Social саҳифасида маълум қилди.
Трампнинг айтишича, учрашувда “Россия ва Украина ўртасидаги шармандали урушни тугатиш имконияти” муҳокама қилинади. Учрашув олдидан икки томон маслаҳатчилари учрашади — АҚШ делегациясига Давлат котиби Марко Рубио бошчилик қилади.
Трамп, шунингдек, Путин уни Исроил ва ҲАМАС ўртасидаги можаронинг тўхташи билан табриклаганини ва бу Яқин Шарқдаги барқарорлик музокара жараёнига ижобий таъсир кўрсатиши мумкинлигини билдирганини қайд этди.
