Россияда мигрантларга бир нечта абонент рақамларига эгалик қилишни тақиқловчи қонун лойиҳаси ишлаб чиқилди. Бу ҳақда ТАСС нашри хабар берди.
"Хорижий фуқароларнинг бир дона абонент рақамидан ортиғига эгалик қилишини чеклаш зарурати ҳақидаги қонун лойиҳаси мамлакатда хавфсизлик даражасини ошириш йўлида муҳим қадам ҳисобланади. У миллий манфаатларни ҳимоя қилиш ва фуқаролар учун хавфсизроқ муҳит яратишга қаратилган. Ушбу қонунни қабул қилиш замонавий таҳдид ва чақириқларга самарали жавоб бериш, хорижий фуқароларнинг коммуникацияларини назорат қилиш имконини беради",— дейди қўмита раҳбари Ярослав Нилов.
Маълумот учун, 2025 йил 1 январдан бошлаб хорижликларга ўз номларига 10 тадан ортиқ абонент рақамларини расмийлаштириш тақиқланган. Чет эл фуқаролари ва фуқаролиги бўлмаган шахслар алоқа операторлари билан шартномани фақат шахсан офисга бориб, шахсни тасдиқловчи ҳужжатни кўрсатган ҳолда ва мажбурий биометрик маълумотлар орқали тузишлари мумкин.
