АҚШ Давлат департаменти Бразилия, Парагвай ва Аргентинада «Ҳизбуллоҳ» ташкилотининг фаолияти ва алоқалари ҳақида маълумот берган шахсга 10 миллион доллар миқдорида мукофот эълон қилди.
"Ҳизбуллоҳ" молиявий тармоқлари ва воситачилари террорчи ташкилот фойдасига пул топиш мақсадида қонуний бўлмаган фаолият билан шуғулланмоқда. Улар орасидан пул ювиш, гиёҳванд моддалар савдоси, кўмир ва нефть контрабандаси, ноқонуний олмос савдоси, товарлар контрабандаси (катта миқдорда нақд пул, сигареталар ва қимматбаҳо буюмлар), ҳужжатлар ва АҚШ долларини сохталаштириш каби жиноятлар мавжуд. Шунингдек, Лотин Америкасида қурилиш, импорт-экспорт, кўчмас мулк сотуви каби тижорат фаолияти орқали ҳам даромад олиш ҳолатлари қайд этилган", — дейилади Давлат департаментининг расмий баёнотида .
Абдуллоҳ Саййид
