АҚШ президенти Доналд Трамп Россия президенти Владимир Путин билан икки соатлик телефон суҳбатини ўтказгани ва бу суҳбат яхши руҳда ўтганини маълум қилди.
Унинг сўзларига кўра, Россия ва Украина “дарҳол ўт очишни тўхтатиш ва урушни тугатиш” бўйича музокараларни бошлайди. Трамп бу шартлар уришаётган томонлар ўртасида келишув асосида белгиланади, деб ҳисоблайди.
У, шунингдек, Путин билан суҳбат “аъло даражада” ўтганини таъкидлади ва Россия АҚШ билан катта савдо алоқаларини йўлга қўшишни хоҳлашини билдирди. Трамп бу фикрга рози бўлганини айтди.
“Украина ҳам урушдан кейинги тикланиш жараёнида савдо орқали катта фойда кўриши мумкин”, — дейди Трамп.
У бу ҳақда Украина президенти Владимир Зеленский ҳамда айрим НАТО давлатлари етакчиларини хабардор қилганини қўшимча қилди.
