Украина Президенти Владимир Зеленский Россия раҳбари Владимир Путин билан юзма-юз учрашишга тайёрлигини билдирди.
У 2025 йилнинг 15 майда, Туркияда учрашув бўлишини кутмоқда. Зеленский ўзининг Telegram саҳифасида шундай ёзди:
“Биз ўт очишни тўхтатишни кутяпмиз – бутунлай ва узоқ муддатга. Дипломатик музокараларга имкон бўлиши керак. Ўлимларни чўзишнинг фойдаси йўқ. Путинни Туркияда кутаман. ” – деб ёзади у.
Бу баёнотга АҚШ президенти Доналд Трамп муносабат билдирди. У Украинани Путиннинг музокара таклифини қабул қилишга чақирган.
“Ҳеч бўлмаса улар битим туза олишадими-йўқми, билиб олишади. Агар йўқ бўлса, Европа ва АҚШ қандай ҳаракат қилишни аниқлайди,” – дея ёзади Трамп.
