АҚШ ва Украина келишув тузишга оз фурсатлар қолди. Бу келишув Вашингтонга Киевнинг табиий ресурсларидан тушадиган даромадларидан улуш олишга ёрдам беради, аммо Украинага хавфсизлик кафолатини бермайди. The New York Times газетаси деб хабар берган.
Газета берган маълумотларга кўра, душанба куни муҳокама қилинган келишувнинг янги версияси аввалги лойиҳаларга нисбатан Украина учун манфаатлироқ, аммо Киев талаб қилган хавфсизлик кафолатларини ўз ичига олмайди.
Украина ва АҚШ Украинадаги минерал ресурслардан фойдаланиш бўйича муҳим келишувни якунлаш арафасида турибди. Президент Дональд Трампнинг маълум қилишича, Украина президенти Владимир Зеленский яқин кунларда Вашингтонга ташриф буюриб, ушбу келишувни имзолаши мумкин.
Ушбу келишув Украинадаги қимматбаҳо ва нодир минераллардан фойдаланишни назарда тутади. АҚШ Украинага инвестициялар ва технологиялар орқали зарур инфратузилмани ривожлантиришда ёрдам беради. Бироқ, айрим украиналиклар бу келишувни эксплуатацион деб баҳолаб, унга қарши чиқишмоқда. Шунингдек, Украина томонидан Россия тажовузига қарши хавфсизлик кафолатларини талаб қилиш ҳам муҳокама қилинмоқда.
Аввалроқ, Украина АҚШнинг минерал ресурслар ҳуқуқининг 50 фоизини олиш таклифини рад этган эди. Президент Зеленский бу келишув Украина манфаатларини етарлича ҳимоя қилмаслигини таъкидлаган. Ҳозирда Киев ўз таклифини тайёрламоқда.
Келишувнинг муваффақиятли якунланиши Украина иқтисодиётини тиклашда муҳим аҳамиятга эга бўлиши мумкин. Бироқ, хавфсизлик кафолатлари ва миллий манфаатларни ҳимоя қилиш масалалари ҳал этилиши лозим.
Абдуллоҳ Саййид
