Жорий йилнинг 18 март куни Самарқанд вилояти Пахтачи туманида 2011 йилда туғилган "Қалқон-жасорат Ҳарбий спорт мактаби"нинг 6-синф ўқувчиси оёғидан темир занжир билан кишанланиб, машинада олиб кетилгани ҳақида хабар берилган эди.
Самарқанд вилояти жиноят ишлари бўйича Пахтачи тумани судида юқорида қайдэтилган ҳолат юзасидан суд мажлиси бўлиб ўтди. Унда болани оёғини занжир билан кишанлаб, машинада олиб кетганликда гумонланган Ҳ.Ш.га оид иш кўриб чиқилди.
Суд ҳукмига кўра, судланувчи Ҳ.Ш. ЖКнинг 110-моддаси 2-қисми "а" банди, 138-моддаси 2-қисми "а" банди билан айбли деб топилиб, 4 йилга озодликдан маҳрум қилиш жазоси тайинланди.
