Профессионал боксчи, катта лейтенант Бектемир Мелиқўзиевнинг ҳарбий унвони бир поғонага кўтарилди. Бу ҳақда Ўзбекистон профессионал бокс федерацияси матбуот хизмати хабар қилди.
Мудофаа вазирининг Тарбиявий ва мафкуравий ишлар бўйича ўринбосарининг буйруғига биноан Бектемир Мелиқўзиевга "Капитан" ҳарбий унвони берилди.
Эслатиб ўтамиз, Мелиқўзиев сўнгги жангини 2023 йилнинг октябрь ойида Алантес Фоксга қарши ўтказиб, 4-раундда техник нокаут эвазига ғалаба қозонганди.
