Тошкентда Кичик ҳалқа йўли кўчасининг бир қисми вақтинча ёпилади. Бу ҳақда шаҳар ҳокимлиги маълум қилди.
Қайд этилишича, Кичик ҳалқа йўли кўчасининг Ифтихор кўчаси билан Кўргазма кўчаси оралиғидаги қисмида иссиқлик қувурида носозлик юзага келган. Айни пайтда авария-тиклаш гуруҳи томонидан иссиқлик қувурларини таъмирлаш ишлари олиб борилмоқда.
Шу сабабли йўлнинг ушбу қисми 10 сентябрдан 11 сентябрь соат 4:00 га қадар ёпилади.
“Келтирилган ноқулайликлар учун узр сўраймиз”, — дейилади хабарда.
