Аввал хабар берганимиздек, Самарқандда халқаро Озиқ-овқат хавфсизлиги конференция бўлиб ўтди. Конференцияда иштирок этиш учун Самарқандга келган Туркия қишлоқ ва ўрмон хўжалиги вазири Ибраҳим Юмакли қишлоқ хўжалигини табиий офатлардан асраш учун нима қилиш кераклигини айтди.
“Аввало Ўзбекистонда ўтаётган бундай катта конференция бутун дунё учун муҳим аҳамиятга эга эканлиги билан барчани табриклайман.
Биз, албатта, Туркия делегацияси сифатида ўзбекистонлик дўстларимиз ва ака-укаларимиз билан ушбу конференцияда озиқ-овқат хавфсизлиги масаласини муҳокама қилиш учун келдик. Улар билан фикр алмашдик.
Қишлоқ хўжалиги маҳсулотларини табиий офатлардан қандай ҳимоя қилиш керак деб сўраяпсиз. Буни бир нечта жумлалар билан таърифлаш жуда қийин. Биз келажак учун ягона режа ишлаб чиқишимиз керак. Бу ерларимизни ҳимоя қилиш режаси бўлади. Лекин қуруқ режа билан иш битмайди. Масалан сувни тежаш учун сиз ундан самарали фойдаланишингиз керак. Сифатли маҳсулот етиштириш учун аввало мослашувчан уруғларни ўстиришингиз керак“, Туркиялик амалдор.
