24 август куни Куала-Лумпурда Осиё Чемпионлар лигасининг 2023/2024 йилги мавсуми учун қуръа ташлаш маросими бўлиб ўтди.
Ўзбекистоннинг ”Пахтакор”, ”Насаф”, ”Навбаҳор“ ва АГМК футбол клубларининг ОЧЛнинг 2023/2024 йилги мавсуми гуруҳ босқичидаги рақиблари номи маълум бўлди.
АГМК таркибига Карим Бенземани қўшиб олган ”Ал-Иттиҳод“ билан, ”Навбаҳор” эса Неймар билан шартнома тузган ”Ал-Ҳилол“ билан ўйнайдиган бўлди.
Қуръа натижасига кўра, мусобақанинг Ғарбий минтақасидаги гуруҳлар қуйидагича кўриниш олди:
”А” гуруҳи: ”Пахтакор“ (Ўзбекистон), ”Ал-Файҳа“ (Саудия Арабистони), ”Аҳал” (Туркманистон), ”Ал-Айн” (БАА);
”Б“ гуруҳи: ”Ас-Садд” (Қатар), ”Насаф“ (Ўзбекистон), ”Ал-Файсали” (Иордания), ”Шаржа” (БАА);
”С“ гуруҳи: ”Ал-Иттиҳод” (Саудия Арабистони), ”Сепаҳон” (Эрон), ”Эйр Форс“ (Ироқ), АГМК (Олмалиқ);
”Д” гуруҳи: ”Ал-Ҳилол” (Саудия Арабистони), ”Нассажи Мозондарон” (Эрон), ”Мумбай Сити“ (Ҳиндистон), ”Навбаҳор” (Ўзбекистон);
”Е” гуруҳи: ”Персеполис“ (Эрон), ”Дуҳайл” (Қатар), ”Истиқлол” (Тожикистон), ”Ан-Наср” (Саудия Арабистони).
Гуруҳ босқичи учрашувлари қуйидаги саналарда бўлиб ўтади:
1-тур. 18−20 сентябрь;
2-тур. 2−4 октябрь;
3-тур. 23−25 октябрь;
4-тур. 6−8 ноябрь;
5-тур. 27−29 ноябрь;
6-тур. 4−6 ва 12−13 декабрь.
