АҚШ президенти Жо Байден журналистларнинг Евгений Пригожиннинг самолёти ҳалокатга учраши ҳақидаги саволига жавоб берар экан, нима бўлганини аниқ билмаслигини, бироқ ажабланмаганини айтди.
“Аммо мен ҳайрон эмасман. Россияда Путин ортда бўлмаган жуда оз нарса бор. Аммо жавобни билиш учун менда етарли маълумот йўқ , лекин ҳайрон қолмадим", - деган Байден.
Маълум бўлишича, Байден ва Марказий разведка бошқармаси бошлиғи июль ойида Пригожин ҳақида матбуотда гаплашган ва унчалик жиддий бўлмасада, 23 июндаги қўзғолонга уринишдан кейин жуда эҳтиёт бўлиш кераклиги ҳақида гапирган.
“Агар мен унинг ўрнида бўлсам, нима еяётганимни диққат билан кузатардим. Мен менюга амал қилган бўлардим”, деди Байден Финляндия президенти билан қўшма матбуот анжуманида. "Аммо, Россияда Пригожиннинг келажаги нима бўлишини ҳеч биримиз билмаймиз деб ўйлайман."
Бир ҳафта ўтгач, Марказий разведка бошқармаси директори Уилям Бернс бу мавзуда шундай деган: "Менимча, Путин одатда қасосни совуқ ҳолда бериладиган энг яхши таом деб ҳисоблайди".
