Маҳмуд Мурадов Чехияда операция бўлди. Бу ҳақида спортчи ўз Инстаграм саҳифасида маълум қилди.
Чехияда ўзбекистонлик УФC жангчиси Маҳмуд Мурадовнинг оёғида жарроҳлик амалиёти ўтказилди.
Унга кўра, бугун, 22 август куни спортчи тиззасидан операция қилинган ва амалиёт муваффақиятли якунланган.
“Ҳаммага салом! Биз Чехияга етиб келдик ва бугун оёғимни операция қилдирдик. Худога шукр ҳаммаси яхши ўтди. Энди реабилитация жараёнларидан ўтиб олишим керак. Шу йил якунига қадар яна битта жанг ўтказмоқчиман, албатта сизнинг қўллаб-қувватлашингиз билан. Ҳаммага раҳмат”, дейди Маҳмуд Мурадов.
