Аннекция қилинган Қримни Россия билан боғловчи кўприкка ракета ҳужуми уюштирилди. Бу ҳақда Zamon.uz' ёзмоқда.
Қрим кўприги ҳудудида ҳаво ҳужумидан мудофаа тизими иккита ракетани уриб туширди, деди Россия томонидан аннекция қилинган Қрим раҳбари Сергей Аксёнов. Унинг қўшимча қилишича, кўприкка зарар етмаган. Шунингдек, аннекция қилинган Қрим раҳбарининг маслаҳатчиси Олег Крючков ҳам кўприк билан боғлиқ вазият юзасидан маълумот берди.
«Махсус хизматлар томонидан тутун пардаси ўрнатилди. Тез орада транспорт ҳаракати қайта тикланади», — дейди у.
Ижтимоий тармоқларда Керчдан видеолар чоп этилмоқда. Кадрларда кўприк ҳудудида тутун борлигини кўриш мумкин. Қрим кўпригида автотранспортлар ҳаракати вақтинча тўсиб қўйилди, деб хабар қилди штаб. Бирзодан кўприк транспорт воситалари ҳаракати учун қайта очилган.
Россия Мудофаа вазирлиги Украина армияси Қрим кўпригига “зарба берувчи версияга айлантирилган С-200 зенит-ракеталари билан ҳужум қилганини билдирди. Вазирликнинг таъкидлашича, ракеталар ҳавода аниқланган ва тутиб олинган.
