Ижтимоий тармоқларда Тошкентда бир йигит метро йўлига тушиб олгани акс этган видео тарқалди.
"Тошкент метрополитени"нинг маълум қилишича, ҳолат бугун, 4 август санасида Дўстлик-2 бекатида фуқаро А.М. метро йўлига тушиб қолган бош кийимни олиш мақсадида ўзбошимчалик билан поезд йўлига тушган.
Метрополитен ва ички ишлар органи ходимлари томонидан кўрилган тезкор чора-тадбирлар орқали йўловчи зудлик билан хавфсиз тарзда платформага чиқарилган.
Фуқаро А.М. га нисбатан "Метрополитендан фойдаланиш тартиб-қоидалари"га амал қилмагани сабабли баённома расмийлаштирилди.
️"Шу билан бир қаторда метро йўлида инсон ҳаёти учун хавфли ҳисобланувчи юқори кучланишли электр токи мавжудлигини эслатиб ўтамиз. Шу сабабли метродан фойдаланиш вақтида хушёр ва сергак бўлинг. Агарда бу каби ҳолатларга дуч келганингизда зудлик билан бекат платформасида фаолият олиб борувчи ходимларга мурожаат қилишингизни сўраймиз", дейилади баёнотда.
