Бугун Шахмат бўйича Жаҳон кубогининг 1/64 финали сенсацияларга бой бўлди, дея хабар бермоқда Xushnudbek.uz.
Маълум қилинишича, оқ доналарда ўйнаган Нодирбек Абдусатторов (2725) туркиялик Ваҳоб Санал (2585)дан мағлуб бўлган. Партия ўртасида позицион устунликка эга бўлган Нодирбек ноаниқ юришлар қилишни бошлаб, 35-юришда эса ўта қўпол хатога йўл қўйган. Бу хатоси рақибга тўлиқ устунлик берган. Ваҳоб Санал бу устунликни сақлаб қолган ҳамда 44-юришдан сўнг Нодирбек таслим бўлди.
Шунингдек, бугун 2700 дан юқори рейтингга эга бўлган Сам Шанкланд ҳамда Шахрияр Мамедяров ҳам турнирни тарк этишди.
Қолган икки нафар ҳамюртларимиз дуранг ўйнашди. Жумладан:
- оқ доналарда ўйнаган Жавоҳир Синдоров (2659) австриялик Маркус Раггер (2624) билан;
- қора доналарда ўйнаган Нодирбек Якуббоев (2640) венгриялик Бенжамин Гредура (2645) билан дуранг ўйнади.
Энди эртага иккала шахматчимиз ҳам тай-брекда тезкор шахмат орқали кейинги босқич масаласини ҳал қилишга ҳаракат қилишади.
