Қашқадарё вилояти Қарши туманида номаълум эркак аёлни сочларидан тортиб, каналга итариб юборди. Бу ҳақда “Миллар” дастурида маълум қилинди.
Хабарда айтилишича, ушбу ҳолат жорий йилнинг 23 июль куни Қашқадарё тумани “Жумабозор” маҳалласида содир бўлган. Жабрланган аёлнинг сўзларига кўра, у дугонаси билан тунда зиёфатдан қайтаётган бўлган. Улар машина тўхтатганида тўхтамаган ва унга таниш бўлган йигит келиб аёлни судраган.
Аёлнинг маълум қилишича, унинг ёнида 2 млн сўмлик тақинчоқ ва 1 500 000 сўмлик телефони бўлган. Эркак уни мажбурлаб, зўрламоқчи бўлгани сабаб кўйлакларини йиртиб ташлаган.
Бундан ташқари, аёл унга ташланган эркак спиртли ичимлик таъсирида бўлганини ва чекканини айтган. Ўзи эса ичмаганини, қўлидаги ароқни уйига бориб ичмоқчи бўлгани билан изоҳлаган.
Воқеа содир бўлган “Жумабозор” маҳалласи раиси ҳолат назоратга олинганини ҳамда тунги базмлар аёл кишига тўғри келмаслигини билдириб ўтган.
Қашқадарё вилояти Ички ишлар бошқармасига кўра, ҳолат юзасидан терговга қадар текширув ишлари олиб борилмоқда. Аёлга жароҳат етказган эркак ҳозирда қўлга олинган.
