2009 йилнинг куз фаслида 1972 йилда туғилган эркак 1990 йилда туғилган қизни Челябинскдаги Смолино қишлоғидаги уйига олиб келган. 14 йил давомида қизни мажбуран ушлаб турган. Қизни қочмаслиги учун доимий пичоқ билан қўрқитиб, эшикларни қулфлаб, деразаларга панжара ўрнатган. Қиз доимий равишда зўрланган, қаттиқ калтакланган. Маънан ва жисмонан кўп жароҳат олган қиз ҳозирда кўп нарсани эслай олмайди.
Ўғирлаганида қиз 19 ёшда бўлган. У 14 йил ўтиб, монякнинг уйидан қочиб қутулишга муваффақ бўлган.
Қизиғи шундаки, бу вақт давомида уйда эркакнинг кекса онаси яшаган. Қўшнилари аёлни ғалати эканлигини айтишган.
"Руҳий касаллиги кучайганидан сўнг, эркак тиббий муассасага олиб кетилган, аёл эса ўзи сақланаётган хонадонни тарк этишга муваффақ бўлди", деди РФ Тергов қўмитасининг минтақа бўйича тергов бошқармаси.
Терговчилар психопатга тегишли хонадонни кўздан кечириш чоғида омборда номаълум аёлнинг жасадини ҳам топишган. Дастлабки маълумотларга кўра, моняк 2010-2011 йилларда қотиллик содир этган.
Ҳозирда унга нисбатан “Россия Федерацияси Жиноят кодексининг 126-моддаси 2-қисми “Ўғирлаш” ва 105-моддаси 1-қисми “Қотиллик” бўйича жиноий иш қўзғатилган. Эркак ҳуқуқ-тартибот идоралари ходимлари назорати остида руҳий касалликлар шифохонасида эканлиги айтилмоқда.
