Европа Иттифоқи Нигерда исён натижасида тузилган янги ҳукуматни тан олмайди. Бу ҳақда Европа Иттифоқининг ташқи сиёсат бўйича олий вакили Хосеп Боррел маълум қилган.
“Европа Иттифоқи Нигердаги тўнтариш натижасида шаклланган ҳокимиятни тан олмайди. Конституциявий тузум тикланиши керак”, — деб ёзди у Twitter`да.
Унга кўра, Европа Иттифоқи мамлакатни молиявий қўллаб-қувватлаш ва у билан ҳамкорликни тўхтатади.
“Нигерга бюджет ёрдамини зудлик билан олиб қўйиш билан бир қаторда, хавфсизлик бўйича ҳамкорликнинг барча тадбирлари номаълум муддатга тўхтатилади”, - деди Боррел.
Нигердаги исён 26 июлда бошланган эди. Президент гвардияси президент Базум ва унинг оиласини қароргоҳини тўсиб қўйган.
Нигерда давлат тўнтаришига бошчилик қилган генерал Умар Тчиани ўзини ўтиш даврининг президенти деб эълон қилди.
Бу ҳақда у миллий телевидение орқали баёнот берди.
