UNESCO мактабларда смартфонлардан фойдаланишни глобал миқёсда тақиқлашни таклиф қилмоқда. Бу ҳақда Zamon.uz хабар берди.
Бирлашган Миллатлар Ташкилоти ҳисоботида айтилишича, мактаб ўқувчиларининг тарбиясидаги ўзгаришларни бартараф этиш, ўқишни яхшилаш ва болаларни кибербуллингдан ҳимоя қилиш учун мактабларда смартфонларни тақиқлаш керак.
Бирлашган Миллатлар Ташкилотининг таълим, фан ва маданият агентлиги UNESCO мобил телефондан кўп фойдаланиш таълим самарадорлигининг пасайиши билан боғлиқлиги ва экранда кўп вақт ўтказиш болаларнинг ҳиссий барқарорлигига салбий таъсир кўрсатиши ҳақида далиллар борлигини айтди.
Унда айтилишича, UNESCOʼнинг смартфонларни тақиқлашга чақируви рақамли технологиялар, жумладан, сунъий интеллект ҳамиша таълимнинг «инсонга йўналтирилган қарашлари»га бўйсуниши ва ҳеч қачон ўқитувчилар билан юзма-юз мулоқотни сиқиб чиқармаслиги кераклиги ҳақида аниқ хабар берди.
Шунингдек, UNESCO сиёсатчиларни рақамли технологияларни ўйламасдан қўллашдан огоҳлантириб, унинг таълим натижалари ва иқтисодий самарадорликка ижобий таъсирини ошириб кўрсатиши мумкинлигини ва янгиси ҳар доим ҳам яхшироқ эмаслигини таъкидлади.
«Ҳамма ўзгаришлар тараққиётни англатмайди. Бирор нарса қилиш мумкинлиги, буни қилиш керак дегани эмас», - дейилади хабарда.
UNESCO ҳисоботида айтилишича, мамлакатлар таълимда рақамли технологияларнинг фойдали бўлишини ва ҳар бир ўқувчиларнинг соғлиғига, шунингдек, демократия ва инсон ҳуқуқларига зарар етказмаслик учун аниқ мақсад ва тамойилларга эга бўлишини таъминлаши керак.
Бундан ташқари, айтилишича, ўқувчиларнинг синфда ва уйда, хоҳ смартфонлар, планшетлар ёки ноутбуклар бўлсин, технологиядан ортиқча ёки ноўрин фойдаланиши чалғитиш, халақит бериш ва ўрганишга салбий таъсир кўрсатиши мумкин.
