Беларус президенти Александр Лукашенко Россияга келди. 23 июль куни у Россия президенти Владимир Путин томонидан қабул қилинади.
“Музокаралар кун тартиби белгилаб олинди, муҳокама қилинадиган масалалар кўп”, — дея хабар берган Беларус президентининг сайти учрашув ҳақидаги эълонида.
Хавфсизлик масалалари, санкциялар босимига биргаликда қарши чиқиш ва ҳаказоларни муҳокама қилиш режалаштирилган.
Худди шу куни Кремл 23 июль куни икки давлат раҳбарларининг Иттифоқ давлати доирасидаги интеграцион ҳамкорликни муҳокама қилишини эълон қилди.
