22 июль куни соат 22:10 да Андижон вилояти Олтинкўл тумани “Оқтепа” МФЙ Қўшқайрағоч кўчасида жойлашган уйларнинг бирида ёнғин содир бўлди. Бу ҳақда вилоят ФВБ хабар берди.
Қайд қилинишича, 4 та ёнғин-қутқарув экипажи соат 22:16 да воқеа жойига етиб бориб, ёнғин соат 22:21 да ўраб олинган ва соат 22:56 да ўчирилган.
Ёнғин натижасида уйнинг 95 кв.м майдонда томи, шифти ва уй-рўзғор буюмлари ёниб зарарланган. Ёнғиндан уйнинг 150 кв.м майдони сақлаб қолинган.
Ёнғинни сабаби ва зарари аниқланмоқда.
Ҳодиса оқибатида тан жароҳати олган ва ҳалок бўлганлар йўқ.
