“Барселона” жамоаси ҳимоячиси Жерар Пике каталонияликлар президенти бўлиш истагини билдирди. Бу ҳақда “Championat.com” хабар бермоқда.
“Ҳа, бу ҳақиқат – мен “Барселона” президенти бўлишни истайман. Фаолиятимни якунлагач шу йўлни танлайман. Ўзимни мураббий сифатида кўрмаяпман. Президент сифатида эса клубга кўпроқ фойда келитиршим мумкин”, – деди 29 ёшли футболчи.
Қайд этиш керакки, “Барселона” низомига кўра, клуб футболчиси фаолиятини якунлаганидан сўнг икки йил ўтиб президентликка давогарлик қилиши мумкин.
