“Барселона” клуби ярим ҳимоячи Серхио Бускетс билан янги шартнома имзоланганини расман маълум қилди. Бу ҳақда клубнинг “Твиттер” саҳифасида эълон қилинди.
Хабарда қайд этилишича, янги шартнома муддати 2021 йилгача мўлжалланган. Шунингдек, Серхио Бускетснинг товон пули 200 миллион еврога этиб белгиланди.
Аввалроқ томонлар келишувга эришгани ҳақида маълум қилинганди. Бускетс жорий мавсум Испания чемпионатида 4 та учрашувда майдонга тушди.
