"Ўзгидромет" жорий ҳафта учун кутилаётган об-ҳаво маълумотини эълон қилди. Унга кўра, бугун Ўзбекистон ҳудудига совуқ антициклон периферияси таъсир этиб туради. Республиканинг барча ҳудудлари бўйича ҳаво бироз, вақти-вақти билан ўзгариб туради, ёғингарчилик кутилмайди. Кундузи ҳаво ҳарорати 3° совуқ-2° илиқ атрофида, айрим жойларда 2° совуқгача бўлади.
Иш ҳафтасининг охиригача совуқ ҳаво массасининг таъсири сақланиб туради. Республика бўйича ёғингарчилик кутилмайди, фақат 25 январда республиканинг тоғ олди ва тоғли ҳудудларида баъзи жойларда бироз қор ёғади.
Кечалари ҳаво ҳарорати 8-13° совуқ, баъзи жойларда 15-17° совуқгача, кундуз кунлари 3° совуқ-2° илиқ, баъзи жойларда 5° совуқгача атрофида бўлади.
Республика бўйича баъзи жойларга туман тушиши кузатилади. Республика йўлларида айрим жойларда яхмалак юзага келиши сақланиб туради.
