Бироз аввал Azur Air авиакомпаниясининг Perm-Goa рейси бомба таҳдиди туфайли Ўзбекистонга йўналтирилгани ҳақида хабар берган эдик.
Маълум бўлишича, самолёти бортида хавфли моддалар ва портловчи қурилмалар аниқланмади. Бу ҳақда компания матбуот хизмати хабар бермоқда.
Самолёт Термиз халқаро аэропорти хавфсизлик хизмати ходимлари томонидан кўздан кечирилган.
Ҳиндистоннинг Даболим аэропорти директори ҳаво кемаси портлаб кетиши хавфи мавжудлиги ҳақида электрон хат олган. Бортда 247 киши, шу жумладан, етти нафар экипаж аъзоси бўлган.
