"Тик Ток" иловасига қозоқ тили қўшилди, деб хабар бермоқда "KazInformation" мухбири.
Қайд этилишича, ўтган йилнинг октябр ойида Астана Медиа Wеек медиа-форуми ташкил этилган. Ушбу тадбирда иштирок этган Шарқий Европадаги "TikTok Global Business Solutions" директори ва "ТикТок"нинг Қозоғистон бўйича раҳбари Анастасия Панина илова қозоқ тилига таржима қилинишини тасдиқлаган.
Айни пайтда иловасида интерфейс тилини исталган вақтда ўзгартиришингиз мумкин. Бунинг учун дастурнинг пастки ўнг қисмидаги "расм" ни босинг. Кейин шахсий маълумотларингиз сақланадиган саҳифа очилади. Созламаларга ўтиш учун ушбу саҳифанинг юқори ўнг бурчагидаги учта чизиқ билан ифодаланган белгини босишингиз керак. Кейин "созламалар ва махфийлик" бўлимига ўтинг ва у ердан "тил" ҳаволасига кирасиз. Бу ерда ҳозир қозоқ тилини танлаш имконияти ҳам пайдо бўлган.
