АҚШ Адлия вазирлиги президент Жо Байденга тегишли офисдан топилган махфий ҳужжатларни Конгрессдаги республикачиларга беришни тақиқлади. Вазирлик ҳолатни ўзи ўрганмоқчи.
Адлия вазири махфий ҳужжатлар билан боғлиқ вазиятни ўрганиш учун Роберт Хурни махсус прокурор этиб тайинлади.
Сўнгги кунларда АҚШда Байденнинг вице-президентлиги давридаги махфий ҳужжатлар унинг Вашингтондаги экспертлар марказидаги офисидан топилиши ортидан жанжал авж олди.
Кеча Оқ уй Байденнинг Уилмингтон шаҳридаги шахсий уйида махфий материалларнинг янги қисми топилгани ҳақида баёнот берди.
Республикачи конгрессмен Пол Госар можаро ортидан Байден 10 йилгача қамалиши мумкинлигини айтди.
13.01.2023 13:28
Байден сақлаган махфий ҳужжатларни махсус прокурор текширади
