АҚШ Конгресси Вакиллар палатаси спикери уч турдан бери сайлана олмаяпти. Овоз бериш кейинги кунга қолдирилди. Бу ҳақда zamon.uz хабар бермоқда.
Спикер сайлови сўнгги юз йилдан буён илк марта бир тур билан чекланиб қолмади. Ҳозирда бу лавозимга уч номзод даъво қилмоқда: республикачилардан Кевин Маккарти ва Эндрю Биггс, демократлардан Ҳаким Жеффрис. Маккарти биринчи турда 218 тадан 203 та, Жеффрис эса 212 овоз олди.
Охирги марта спикер биринчи турда 1923 йилда сайланмаганди. Ўшанда вакилдар палатаси 9 тур сайлов ўтказган.
Шу кунга қадар палатага спикерлик қилиб келаётган Нэнси Пелоси лавозимга қайта сайланишдан бош тортди.
