Қозоғистондаги ватандошларимиз ҳужжатлари ва ойлик маошлари олиб берилди. Бу ҳақда Ташқи меҳнат мигарцияси агентлиги матбуот хизмати хабар қилди.
Маълум қилинишича, Чимкент шаҳрида ишлаётган бир гуруҳ ўзбекистонлик фуқаролардан паспортлари олиб қўйилганлиги ва мажбурий ушлаб турилганлиги тўғрисида мурожаат келиб тушган.
Ушбу мурожаат юзасидан Ташқи меҳнат миграцияси агентлигининг Чимкент шаҳридаги ваколатхонаси ходими ҳамда Чимкент шаҳар полиция департаменти тезкор гуруҳи билан фуқароларнинг иш жойига борилди.
"Ҳамюртларимизнинг паспортлари қайтарилди ва ойлик маошлари ундириб берилди. Ҳозирги кунда уларни Ватанга қайтариш чоралари кўрилмоқда", - дейилади хабарда.
