Бугун Тошкентнинг Учтепа ва Чилонзор туманларининг айрим ҳудудларида иссиқ сув вақтинча ўчади

Бу ҳақда  “Veolia Energy Tashkent” МЧЖ ХК огоҳлантирди.

Маълум қилишларича, бугун 5 сентябрь куни соат 18:00га қадар 5-ИМдаги магистрал иссиқлик қувурида таъмирлаш ишлари олиб борилиши муносабати билан Учтепа ва Чилонзор туманларининг айрим ҳудудларида иссиқ сув таъминоти вақтинча тўхтатилади.

"Таъмирлаш ишлари якунланиши билан иссиқ сув таъминоти тикланади" дейилади хабарда.