Ўзбекистон Гидрометеорология хизмати хабарига кўра, ушбу ҳафтанинг биринчи ярмида, шунингдек, байрам кунлари Ўзбекистон бўйича об-ҳавонинг ўзгариши кутилмайди.
Ҳафтанинг биринчи ярмида ва байрам кунлари Ўзбекистоннинг барча ҳудудларида қуруқ ва бироз иссиқ об-ҳаво сақланиб туради.
Ҳаво ҳарорати ҳафтанинг биринчи ярмида 33-35° атрофида бўлади. Байрам кунлари 33-37° гача бироз иссиқроқ бўлади. Кечалари ва эрталабки соатларда 13-18° атрофида бўлган қулай ҳарорат кузатилади.
