Швеция ва Финляндиянинг НАТОга кириши альянснинг шимолдаги мавқеини мустаҳкамлайди. Бу ҳақда Zamon.uz Tass.ru`га таяниб маълум қилди.
Маълумки, икки давлатнинг июнь ойида альянсга аъзолик аризаси қабул қилинганди.
“Финляндия ва Швециянинг НАТОга кириши билан Арктика атрофидаги 8 давлатнинг еттитаси альянс аъзосига айланади. Уларнинг аъзолиги бизнинг шимолдаги позицияларимизни мустаҳкамлайди. Бундан ташқари, Болтиқ денгизидаги иттифоқчиларимизни кучайтиради”, – деган НАТО бош котиби Йенс Столтенгберг.
Маълумот ўрнида: 2022 йил июнь ойида Швеция ва Финляндия НАТОга аъзо бўлиш истагини билдирди. Альянснинг Мадриддаги саммитида иштирокчи давлатлар бу қарорни қўллаб-қувватлаган. Шу билан бирга Туркия ушбу икки давлатнинг Шимолий Атлантика иттифоқига қўшилиши жараёнини секинлаштириб турибди. Бунда курдлар масаласидаги келишмовчиликлар сабаб бўлган.
