2022 йил 23 август куни талабалар ўқишини хорижий давлатлардан Ўзбекистондаги давлат олий таълим муассасаларига кўчириш бўйича ўтказилган тест синови натижалари эълон қилинди. Бу ҳақда ДТМ хабар қилди.
23 август куни тест синовида иштирок этган талабгорлар ўз натижаларини 4 хил усулда билишлари мумкин:
my.dtm.uz сайтининг “Ўқишни кўчириш (хориждан) Natijani olish“ бўлимидан паспорт серияси ва рақами ҳамда шахсий идентификация рақамини киритган ҳолда.
mandat.dtm.uz сайтининг “O‘qishni ko‘chirish-2022” бўлими орқали талабгорнинг ИД рақамини киритган ҳолда.
Давлат тест марказининг қуйидаги телеграм ботларига талабгорнинг ИД рақамини юборган ҳолда (“Ўқишни кўчириш 2022” бўлимидан):
@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot
Талабгор рухсатномасининг қуйи қисмидаги ҚР-код (натижани кўриш учун ҳавола) ни сканер қилган ҳолда.
Изоҳ: мутахассислик фанларидан касбий (ижодий) имтиҳон топширган (топширадиган) талабгорларнинг натижалари ОТМлар томонидан касбий (ижодий) имтиҳон натижалари Давлат тест маркази тақдим этилгандан сўнг эълон қилинади.
