Ўзбекистон Республикаси Президенти Шавкат Мирзиёев бугун конгрессменлар Трент Келли ва Дэрин Лахуд иштирокидаги АҚШ делегациясини қабул қилди. Бу ҳақда давлат раҳбарининг Матбуот котиби хабар берди.
Ўзбекистон билан АҚШ ўртасидаги стратегик шериклик муносабатларини янада ривожлантириш ва кўп қиррали ҳамкорликни кенгайтириш масалалари кўриб чиқилди.
Парламентлар ўртасида фаол алмашинувларни ҳамда конгрессменлар вакиллик қилаётган Миссисипи ва Иллинойс штатлари билан амалий ҳамкорликни давом эттиришга алоҳида эътибор қаратилди.
Эслатиб ўтамиз, АҚШ Конгресси делегацияси Ўзбекистон - Америка ҳамкорлигининг бугунги ҳолати ва истиқболларини, жумладан, парламентлараро ҳамкорликни кенгайтириш масалаларини муҳокама қилиш учун Ўзбекистонга келган эди.
Бугун, 22 август куни Ташқи ишлар вазири в.б. Владимир Норов конгрессменлар Трент Келли ва Дарин Лаҳуддан иборат Америка Қўшма Штатлари Конгресси Вакиллар палатаси делегациясини қабул қилди.
