Қирғизистон чегарачилари Ўзбекистонга умумий қиймати 1 миллион сўмлик от ва қорамолларни ноқонуний олиб ўтмоқчи бўлганларни анқилади. Бу ҳақда "24.kg" хабар берди.
Аниқланишича, Ақси туманининг Жетиген ҳудудида чегарачилар Ўзбекистонга 7 та отни ноқонуний равишда ҳайдаб ўтмоқчи бўлган 29 ёшли А.Э. ни қўлга олган. Кейинроқ Чаласарт массивида 7 бош қорамолни олиб ўтмоқчи бўлган Жани-Айил қишлоғида яшовчи 39 ёшли Н.У. ушланган.
Талас вилоятининг Ўғуз-Ашу массивида 44 ёшли Т.Т. бошқарувидаги "DAF" русумли юк машинаси қўлга олинган. Машинада 14 бош қорамол топилган. Дастлабки маълумотларга кўра, от ва қорамоллар нархи 1 миллион сўмдан ортиқни ташкил қилган.
Барча ҳолларда ҳужжатлар расмийлаштирилгач, қўлга олинганлар қўшимча тергов ўтказиш учун ваколатли органлар ходимларига топширилган.
