“Милан” ҳужумчиси Златан Ибрагимович жамоадаги келажаги борасида ўз фикрларини билдириб ўтди.
“Пиоли шартномасини узайтирганидан хурсандман. У бунга лойиқ. У жамоада ажойиб ишламоқда. Демак, мен ҳам шартнома муддатини узайтиришим керак. Навбат менга келди”, - дея Ибрагимович сўзларидан келтирмоқда Football Italia нашри.
Эслатиб ўтамиз, 40 ёшли швециялик ҳужумчининг “Милан” билан шартномаси 2022 йилнинг ёзига қадар мўжалланган. Ўз навбатида “россонерилар” ҳам Златан билан янги шартнома имзолашни истамоқда.
