Ижтимоий тармоқларда икки ёш қиз ўртасидаги жанжал чиққани акс этган видео тарқалди.
Пойтахт ИИБ мазкур факт бўйича қуйидагиларни маълум қилди.
Қайд этилишича, 16 ноябрь куни Шайхонтоҳур туманида 16 ёшли қиз 18 ёшли дугонаси билан ўртасидаги келишмовчиликка барҳам бериш ниятида у билан "Эшонгузар" маҳалласи ҳудудида учрашган. Аммо улар орасида яна келишмовчилик юзага келган ва шу ҳолат видеога тушиб қолган.
"Мазкур воқеа асосида Ўзбекистон Республикаси Маъмурий жавобгарлик тогрисидаги кодексининг 183-моддаси («Майда безорилик») бойича баённома расмийлаштирилди",-дейилади хабарда.
