“Сабо” газетасида чоп этилган Равшан Kомилов билан бўлган суҳбатда Равшан Комилов ўғли Фарруҳ Комиловни санъатга кириб келган вақтлари реп қўшиқ айтгани учун мухлислардан анча танбеҳ эшитганини айтиб ўтди.
Равшан Комилов журналистнинг “Оқ билак ойим андижонлик” қўшиғини нега “тошканлик” қилиб ўзгартирдингиз деган саволга қуйидагича жавоб берди:
- Оддий сўз билан нима учун қўшиғимда “тошканлик” сўзини ишлатганимни тушунтирмоқчиман. Агар “андижонлик” деб айтсам, унда арава сўзи айтилиши керак. Тошкент шаҳрида арава деярли йўқ. Аравалар ҳам ёдгорликка айланяпти. Устозимиз Комолиддин Раҳимовнинг “Наргиз” қўшиғини замонавий услубда куйлаганман. Сўзига аҳамият бериб мухаммас йўналишига ўзгартирганман.
