Хитой парламенти 27 декабрь куни оилаларга иккинчи фарзанд кўришга рухсат этадиган Қонун қабул қилди. Мазкур Қонун 2016 йилнинг 1 январидан кучга киради, дея хабар беради ТАСС.
«Давлат энди ҳар бир жуфтлик иккинчи фарзанд кўриш принципини қўллаб қувватлайди», — дейилади ҳужжатда. Қонун Хитой Компартияси Марказий кенгашининг октябрдаги пленумида ишлаб чиқилди. Пленумда “бир оилага – бир фарзанд” сиёсатини юмшатиш қарор қилинган.
Иккинчи фарзанд кўришга таъқиқ 36 йил давом этган. Шу вақт ичида чеклаш демографик сиёсати 400 миллион киши туғилишининг олдини олинган.
Ушбу Қонун Хитойда 2050 йилга бориб меҳнатга лаёқатли фуқаролар сонини 30 миллион кишига оширишни кўзда тутади. ХХР аҳолиси умумий сони 2029 йилга бориб, ўзининг авж нуқтасига 1,45 миллиард кишига етиши таҳмин қилинмоқда.
