Американинг Qwerkytoys компанияси iPad учун ноодатий клавиатура яратди, деб хабар беради “Lenta.ru”.
Маълумотларга кўра, клавиатуранинг кўриниши ёзув машинкаси асосида ишланган. Янги қурилма QwerkyWriter номини олди ва унинг баҳоси 349 доллар этиб белгиланди.
Гаджет ўзида ретро ва замонавий услубларни мужассамлаштирган. Унинг корпуси алюминийдан ишланган, клавишларида эса чуқурроқ кўриниш касб этган. Клавиатура орқасида планшетлар учун мўлжалланган ўйиқ жой бор.
iPhone`нинг янги авлоди, шунингдек iPad ва Apple Watch жорий йилнинг сентябр ойида сотувга чиқарилган эди.
Apple компаниясининг таъкидлашича, iPad Pro сўнгги олти ой ичида сотувга чиқарилган ноутбукларнинг 80 фоизига нисбатан тезроқ ишлайди, графика имкониятлари бўйича эса мазкур ускуналарнинг 90 фоизидан ҳам кўра кучлироқ.
Бундан ташқари, мазкур планшет учун махсус Smart Keyboard клавиатураси ишлаб чиқилди. У қурилмага Smart Connector технологияси ёрдамида уланади.
